كلنا نتمنى وجوده

ياريت نلاقي هالانسان اللي يفهمنا ويهتم فينا ..

اردنية
 الخير موجود ان شاء الله ليوم الدين

 وابحثي بتلاقيه ان شاء الله

 يسعدك ربنا

بحثنا وتزوجنا وتنيلت بس مافي اي نوع من الاهتمام
كل اهتمامه بأهله وخواته وخوانه رقم ١
وإن طلع يسهر مع صحابه بطلع من الساعة ٩ لآذان الفجر لحتى يرجع ولا بتصل ولا بطمن
انا تعبت من عدم اهتمامه فيني

اردنية
 اهتمامه في اهله فهذا شي طبيعي ويدل على ارتباطه الاسري
 بحيث لا يكون على حسابك ووقتك
اما موضوع السهر  برة البيت والاصدقاء والشلليه

  عليك ان تعملي امورا كثيرة لتعيديه الى احضان البيت

 ربنل يوفقك

 اول مرة بعرف انك  تزوجتي

  ربنا يهنيكي

اهتمامه بأهله على حسابي ووقتي
وسهراته برا البيت مع صحابه برضه على حسابي ووقتي وما بعترف انه غلطان لانه اتأخر عليه وتاركني للفجر لحالي اذا صار معي اشي بالبيت مين راح يكون مسؤول الاول عليه أكيد هو مو أهله ولا إخوانه .. وكل ما افتح معه موضوع السهر والتأخير بحكيلي مافي الها حل ..
وطول النهار بقضيها نايم وبس يصحى بنزل عند أهله .. طيب انا متى وقتي متى راح يهتم فيني ؟!
عنجد أني تعبت
انا متزوجة من سنة وأربع شهور

الله يكون بعونك
 والمثل بحكي  (قبل لا تناسب حاسب )
 ما بدي الومك  انه لازم كنتي درستي وضعه اكتر قبل الزواج

 بتمنى يرجع   وتعيشي حياة اسرية سعيدة

 لانه  الوضع الي بتوصفيه لا يطاق

   اتمنى لك السعادة   والاستقرار

احنا يمكن استعجلنا شوي بالخطبة بظرف اسبوع كنا خاطبين وقعدت معه يومين وبعدين سافرت عشان اكمل الفصل اللي ضللي بالجامعة وطول فترة الخطوبة كنا نتراسل على السكايب..
والسنة اللي بعديها تزوجنا بالصيف وقعدت معه شهر واسبوع وبعديها تركته وسافرت لانه طلعلي وظيفة بس ما استحملت اضل بعيدة ومن بداية شهر ٤ اللي فات وانا مستقرة معه بالاردن وكان كل يوم يطلع يسهر ويتركني بحالي ..
احنا ما سألنا عنه لانه بكون ابن عمي اللزم يعني ابوي وابوه اخوان

اردنية
 ما بحب احكيلك   طالما ابن عمك المفروض ابوه وابوكي يتدخلوا
 لانه تدخل الاهل بكبر المشكله وبزيدها
 ينصحك تحاولي بكل الطرق تجذبيه للبيت وتبعديه عن جو السهر  بره البيت
  ربنا يهدي  الحال وتكوني سعيدة بحياتك

اللهم امين
دعواتك