بيتك هنا.. في خافقي وين حليت
قصر ٍ بنيته في خفوقي زهى بك
عشقي غرام ومنتهى الحب حبيت
عاشق عيونك ما تخيل عذابك
قلب الهوى لاهو بحي ٍ ولا ميت
سبة جروح ٍ غايره من صوابك
كم تهت في صحراء غرامك وعانيت
اطرد على خيل الاماني سرابك
اذا انطرى ذكرك مع الناس لبيت
الروح لبت .. والخفوق انتشى بك
يا ما على شانك سهرت وتعنيت
ابكي على صدر الزمن في غيابك
العام تمطر لي سحابك .. وهليت
واليوم مدري وين تمطر سحابك
لا قلت من حبك نسيت وتعافيت
جابك لي الهوجاس والشوق جابك
واذا دعاني داعى الشوق صديت
تصد وانت اللي جرحني شهابك
ليه الصدود .. وفي حناني تربيت
قلبي بدابك في الهوى وانتهى بك
انده عليك وما حصل يوم رديت
وارسل مراسيلي ولا القى جوابك
ياخي خلاص القصد واضح ومليت
درس ٍ خذيته من مناهج كتابك
اوفيت بعهود المحبه ولا اوفيت
ما صنت قلبن قدرك واعتنا بك
مدري نسيت الود والا تناسيت
والا الزمن غرك وغير حسابك
لكنّ/ ما دامك ظلمت .. وتجنيت
بدعي عسى المولى يعجل عقابك
تلعب بك الدنيا على كف عفريت
تبكي ندم .. وتنوح ما احد ٍ درابك
لانك لعوب .. وبالمشاعر تسليت
عذبت قلبن جاع لك واغتذابك
تعال واسعف قلبي اللي تبليت
والا يموت من القهر عند بابك
ياليتني ما انصعت للحب ياليت
ولا تعرفنا .. بحضرة جنابك
تابعونا هنا 
زائر 
الأربعاء 22 مايو - 14:54 من طرف 
عدد المساهمات
تاريخ التسجيل
موضوع: بيتك هنا. 
