قل للذي

قل للذي هرجه على غير مصلوح
اما سكت من نفس ولا غصايب
الصبر لونه جا لابده يروح
والنار لو شبت كلتك اللهايب
ترا الردي عاري وله فعل مفضوح
لو كان لبسه من جداد الجلايب
بعض الكلام سيوف وتسبب جروح
والموت لا قيلت بليا سبايب
يالله يامعبود يامنجين نوح
يامحيي عظامن بوسط الترايب
تفرج على اللي يزعج الصوت بالنوح
ودموع عينه فوق خده سكايب
الحظ غامض والزمن مابه وضوح
لو كان جسمه حضر بالفكر غايب
دنيا تعلمنا بلا كتب وشروح
ومن يفهم الموضوع ماهو بخايب
واعزتي للي من الهم مطروح
ميت ولو ماله قبر مع نصايب
بعض الخطا لونه من بعيد مدموح
وبعض الخطا مايندمح لو قرايب
الطيب نسمه هوا والاخلاق كالروح
والروح ما تحيى بليا هبايب
بالصمت يحيى السر ويموت بالبوح
والصدر بيت السر وغيره خرايب

هلا وغلا بالعراب
قل للذي 760583

» ماذا سيحدث للذي لا يصلي؟