بسم الله الرحمن الرحيم
قصيدة فتاة اجبرها ابوها على الزواج من شخص
وبعد ما قرأها ابوها تأثر بها وغير رايه في اخر لحضه
وقال للخاطب – ماعندنا بنات للزواج
توكل على الله ودور غير بنتي
يابوي خلوني على كيفي اختار
يابوي هذا العرس مابه غصيبه
يابوي لاترمون قلبي على النار
وتصير بكره ياجماعه مصيبه
يابوي انا اللي عارفه كل الاسرار
قلبي وانا ادري في دواه وطبيبه
يابوي انا مليت من كثر الاشوار
والموت من شور القريب لقريبه
يبه .. يبه .. يامكرم الضيف والجار
ياسيدي ياتاج قلبي حبيبه
لو شفت دمعي تالي الليل مدرار
النوم حاربني وانا له حريبه
في خاطري هم .. وهواجيس وافكار
ماجابت الورقا من النوح اجيبه
الله يعين الي من الهم محتار
اعيش في دنياي مثل الغريبه
الحلم الاول مات يابوي وانهار
ذبحت حلمي ليه .. والله عجيبه
يابوي زاد الهم ضاقت بي الدار
صارت حياتي ياحياتي صعيبه
وشعاد لو في غرفتي ورد وازهار
اشوفها يابوي مثلي كئيبه
ياتاج راسي لاتحملني أوزار
تكفا طلبتك .. لاتزيد المصيبه
تابعونا هنا 
زائر 
السبت 21 سبتمبر - 15:45 من طرف 
عدد المساهمات
تاريخ التسجيل
موضوع: قصيدة فتاة اجبرها ابوها على الزواج 
