مدري انا من زحمت الناس هـارب
ولا زمــانـي بار فينـــي ولا ذرب
اجامل اوقاتي الطرب واتطـــارب
وتشوفني طربان لو ماني طرب
العقل تزحمـه الـــرواء والتـــــظارب
مثل البطن تخمده بالاكل والشرب
ولايوصلك شــط النجاه اي قــارب
ولايفرج الكربـا سوا فارج الكــرب
والــكل له مهمـــا يكــابر معــــارب
وانا وقفـت اناظر الشرق والـــغرب
ديجتهــا رغــم اختلاف المشــارب
وردها ولا نــشد عن البعد والـقرب
عقارب الساعه اشـــد العــــقارب
ومعاتب الاحرار اقسى مـن الظرب
الفار بالحــاله هـــدم ســد مــارب
تجمع الناس وعجـــز ياقف الصرب
ومــدامت الحـــكمه نتــاج التجارب
انا عــرفت الدرب قبل اصـل الدرب
اكذب اقول ترها استـــراحة محـارب
وانا كرهت السيف والرمح والـحرب
تابعونا هنا 
زائر 
الأربعاء 22 مايو - 14:54 من طرف 
عدد المساهمات
تاريخ التسجيل
موضوع: استراحة محارب 
