أشتاق لك ياصاحبي كيف ما اشتـاق=لكني أخفي ظاهـر الشـوق عنـك
ماودي اكشف لك كـذى كـل الأوراق=أخاف لا افقد بعض الأشـواق منـك
من حقي أحفظ نور عينـي بالأحـداق=حتى ولـو بعـض الظنـون اتعبنـك
أغرق معي آخـر نهايـات الأغـراق=العب وانا بلعـب معـك نفـس فنـك
يامن سكنت اعمق مدى روح الاعماق=وانا سكنت اقصى مدى أعمـاق ظنـك
أهديت لك قـرب ٍ لـه الكـل تـواق=وعيّن شعـوري يالغـلا ... يعتقنـك
يعني تقهوانـي علـى خاطـرٍ راق=وانـا مـروق زعفـرانـك وبـنـك
مـدام حبـك صاعـد ٍ روس الافـاق=آفـاق روحـي بالسمـاء يحضننـك
ماودي استرسل باحاسيـس عشـاق=ادري حروفـي بالشـعـر يعشقـنـك
وادري اجيلك اشبه "الريح منسـاق=على بسـاط شعـوري اللـي خفنـك
تبـي الحقيقـه يابعـد كـل بـواق =والله أموووت بضحك عينك وسنـك
وان غبت لو لحظه علي الفضاء ضاق=وكـل الـدروب الصامتـه يندهـنـك
أحيان يطري لي كذى طاري أفـراق ويضيق صـدري والمشاعـر يجنـك
وان قلت لي مشتاق.. ماأقول مشتاق=أخفي شعوري وأكتـم الشـوق عنـك
اخاف لا اكشف لك كذى بعض الاوراق=وافقد بعض لهفات الاشواق منـك