نزلت ابوس القمر لمع في عيني جنيه
باين في ضل الشجر تقولش بدر وجيه
قولت يارب البشر رزاق وأعمل أيه ؟؟
غير شكر نعمة بصر هخده واحط عليه
صدقه لبائس صبر مارضيش يمد إيديه
واقول لنفسي الخبرالفضل من غير ليه
أرجع لبوس القمر فخر الحبايب بيه
رمز ابتسامة قدر ونور في ضلمة تيه
عاشق أنا للمطر وقلبي ينبت فيه
يطرح واشوف الثمر ألوان كست أراضيه
سحر البيان مختصر لكل روح تلاقيه
زي الوفاء إن ندر يعلي لقدر ذويه