من قسوة الجرح وين احساسك وطيبك *** من وجهك الزين ما أبغى وجهك الثاني
عذبتني لين مليت تعذيبك ***واللحين جاء دوري اعذبك وتعاني
اسف على كل لحظة ماضي تجيبك ***واسف ي قلبي على نبضك بشرياني
واسف ي محبوبي الغالي ولو عيبك *** حبك لنفسك غلب حبك الوجداني
علقتني فيك لكن ويش اسوي بك *** لا صرت ما تحشم ظروفي وتجفاني
للحين أحبك ومحتاجك وودي بك *** لكني حالف عليها ما تجي على لساني
أقولها ليه وأنا أعاف تكذيبك *** وانت تجاهل عناني ودمعة اوجاني
هذا أنت كل ما بغيت أجي وأهلي بك *** تغتر بمحبتي وتصد بالعاني
أن قالها الله يدور الوقت ويجيبك *** وأقول مرحبا مليون يا الجاني
أنا اللي مجني عليه من تصاويبك *** ما هو بعلى كيفك تغيب وتنساني
مليت من غيبتك مليت أساليبك *** حتى الشعر مل من صوتي وحرماني
عود مثل مانت مدري ويشش غادي بك *** قد لك وانا اشوف كنك واحد ثاني
مشكلتك تغار من غيرك وداري بك *** مع ان غيرك يغار لا شافك اوزاني
أدور الفرحه اللي يوم تأتي بك ***مثل براد النسيم بصدرن يعاني
روض جروح شعور اللي يهذري بك *** غير ملامح وجودك لاتحداني
تعرف عذاريبي وتجهل عذاريبك *** وأنا بشر ماني بمرسول رباني
كان الزعل ي حبيب الروح يقفي بك *** ارضى فديت العيون ورمشها الداني
انا علشانك ارضى بمطاليبك *** يعني ما أستاهل ان ترضى علشاني
للشاعر المتميز :
حمد البريدي ..
تابعونا هنا 
زائر 
الأربعاء 22 مايو - 14:54 من طرف 
عدد المساهمات
تاريخ التسجيل
موضوع: وجهك الثاني 
