ياطير ياللي منزلك عالي النيف
يا ليتني وياك والبال سالي
خذني لعالي موطنك عدّني ضيف
اغسل عنا الأيام واللي جرالي
دنيا تحاول عثرتي كلها زيف
والحر ماله فالتوافه مجالي
أرقى لحلمي فوق روس المشاريف
وافكار مجدي فوق حد الخيالي
أعايش الأجناس والخاطر مْعيف
واداري اللي طبعهم ماصفالى
ما بيك يا مجلس يلم الملاقيف
أصون ذوقي عن وضيع المقالي
أعسف خيول الصبْر في وادي مْخيف
واطرد ذياب الياس غرب المفالي
عين الأمل ترقب متى يزهرالريف
ويروي قراح الغيث جدب الأمالي
استشرف المقبل وهو مابعد شيف
عساكِ يابيض البشرات فالي
أعيش في وقت(ن) غريب التواصيف
دون المكاسب عُود ياراس مالي
من لا تفكر فالمدى عقله سْخيف
ومن لاتعثر ظن دربه سهالي
شاعر ومدرك والبلا قلبي رْهيف
ونفسي تولت قلب والقلب والي
زلة خويّك مثل جرح المراهيف
تشكي لمن ؟ وصاحب الجرح غالي
والموت كل الموت صد المواليف
بعد المحبة والليال الخوالي
ياطير تسلم عن جميع الصواريف
إمّا تواسيني .. لا تشمت بحالي
شعر توفيق الشماسي
تابعونا هنا 
زائر 
أمس في 17:45 من طرف 
عدد المساهمات
تاريخ التسجيل
موضوع: ياطير 
