صباحك خير
يا الي في عيوني غير ..!
أناديك واناجيك
واهديك . .
صباح البسمة من عيوني ..
واحتريك على ذاك الطريق
واكتب على الاوراق
الله يهينك يا الفراق
خطفت مني حبيبي
تذكر ذيك الذكريات
وتبي تعرف غلاك ..!
يا شوق نظر عيني للقياك
والعمر كله ما يسوى لحظه معاك
خذ عيوني .. خذ وجودي
خذ اهاتي .. و شجوني
مقابل بسمه من محياك
تبي تعرف غلاك ..!
اه يا ليت .. واه يا ليتك
أعيشك حبيب دايم معي
وافرح ب لقاك
كل ما هل مزن الشوق بمدمعي
يا سكة الدرب الطويل
ضعت وانا مضيعك
وأسئلك انت وينك ..!
وانت ساهي ..
وانت لاهي ..
والمحك واتخيلك والمك واجمعك
واغيب وتغيب ألأيام معك
ويشربني ليل البعد واعطشك
وارد المك واجمعك
وارجع اضيعك
وانت تختال ما بين رمشي وحدق عيني
تبي تعرف غلاك ..!
ياما ناديت بعالي الصوت لمسمعك ..!
القلب بحبك عايش صباه
غرق فيك وما منك نجاه
اهديني بقربك الحياه
واهديك المحبه و السلام
وما اسمع ردك بالكلام
يا عالم خيالي .. عشته انا لحالي
تبي تعرف غلاك ..!
يا شهد اوراقي
وحروف تنادي بأشواقي
والقلم محبرته احساسي
الشعور سكبته لك قصايد
والحروف طوقتها لعنقك قلايد
الا يا ليت حبك
حروف على ورق ..!
لشعل النيران فيها واجعلها تحترق ..!
وتصبح رماد
انت وفراقك وذكرياتك ..!
تبي تعرف غلاك ..!
ورب الخلق والخلايق
ومن دعيته وناجيته والبال ضايق
حبيتك بكل حالاتك واولها الصد
وتشهد علي كل دمعه جرت على الخد
ومن يوم الوداع قلبي ضاع
وشايله بيدي باقة امل وأمنيات
وبستان من الذكريات
الايام تعبت اسايرها
اعيشك حلم واضيع بحاظرها
تعبت من الليالي وسهرها
وتبي تعرف غلاك ..!
السكوت علقم ومراره يحتويني
والبوح نار وتكويني
يا عتابي .. ويا عذابي
يا حياتي ويا روحي
يا حبيبي يا الوجه الصبوحي
لاجيت اكتبك تعجز المعاني
وتنتهي تعابير الكلامي
وتعجز عن وصفك في حبك والهيامي
تبي تعرف غلاك ..!
تراني رسمتك بناظري صباح
يالي في عيوني انت غير
صباحك خير .