الجرح مايبرى

الجرح مايبرى ولو كآن ماكان
من تطري الذكرى تهيض الجروحي
يوم أذكرهـ والجرح بالقلب هيجان
والروح من بعد المسافه تنوحي

وتلوع كبدي من تصاريف الازمان
لا والقدر عيا يجمل شحوحي
ياما يفرق بين خلان واخوان
مهما يكون الحب فيهم يلوحي

ومهما أكون اني لها حيل هيمان
وش حيلتي لامن ذكرت السموحي
وأنا بعد في خافقي حس ولهان
حتا الوفا بالقلب عيا يروحي

وش حيلة اللي ماتغشاه نسيان
يمسي على ذكرى حبيبه طروحي
ويصبح وهمه داخل القلب تلفان
والقلب تتلفه الهموم النزوحي

وش حيلة اللي لـ أقبل الموت عشقان
واللي يحبه كان حلم وطموحي
وش حيلته يوم" تدثره الأكفان
وسط القبور القاحلات الضروحي

يا وردة الجوري ويا زهر ريحان
فكري على ذكراك ماله كفوحي
يوم أذكرك عيني من الدمع رويان
وينهل دمعي بالمحاجر يفوحي

ياكثر ما اذكر زولك اللي له انحان
راس القلم مثل الخيول الجموحي
في داجيات الليل تطربني الحان
من هاجسي وياليتها لك تروحي

أقولها والقلب في غب الأحازن
وأنا ادري اني مابفيده ببوحي
الجرح مايبرى ولو كآن ماكان
من تطري الذكرى تهيض الجروحي

بقلمي / أحمد بن عيضه العتيبي

هلا بالعراب
الجرح مايبرى Images?q=tbn:ANd9GcQ_Gdtfe5g0VuBoSmigeq32IUHJe5GVpscvkwjfltrFHxEVdMaGYw

دمت بكل الود

» نزف الجرح
» انين الجرح
» لا تبادل الجرح بالجرح
» هل كلمة اسف تمحي الجرح
» هل كلمه آسف تَشفِى الجرح