محمد رمضان يهاجم الـ MBC ويصف رئيسها بالكاذب

رد الفنان المصري محمد رمضان على البيان الإعلامي الذي أصدره الإعلامي محمد عبد المتعال رئيس قنوات (MBC مصر)، والذي اتهم رمضان فيه بالنصب.

قال رمضان في مقطع فيديو نشره عبر صفحته على الإنترنت: ( عامل الفيديو ده لجمهوري ولبعض الصحفيين المهتمين بالبيان اللي أصدره رئيس إحدى القنوات الخليجية في مصر دة حق الرد).

تابع: (الحقيقة ده بيان كاذب وصاحب البيان كاذب، يدعي إني اخدت العربون وأن رئيس القناة طالبني بيه وأنا رفضت أرجعه، الكلام ده كله غير حقيقي، الحقيقة إني موّقع عقد مع شركة تابعة لمجموعة والشخص اللي أصدر البيان موظف فيها بيرأس إحدى قنواتها، أنا مش موّقع معاه عقود أنا موقع مع شركة، تم الاتفاق معاها إني هعمل في 2018 مسلسل مع العدل جروب، هيتم عرضه على “دي إم سي” في مصر وقنوات عربية أخرى).

وأضاف في تصريحاته: (أنا عايز أوضح هذه الحقيقة إن الكلام اللي اتقال في حقي ده كلام كاذب والغرض منه الإساءة لسمعتي وللقناة اللي اشترت مسلسلي هذا العام، لأن مش ممكن تعرض مسلسلي وتاخده وهي عارفة إني على خلاف مع قناة أخرى دي مش أخلاقنا كمصريين، دي الحقيقة عشان الناس اللي وصلها البيان، ده حق الرد).

اختتم رمضان حديثه معتذراً للجمهور عن ايقاعه البطيء في الكلام، وصرح أنه تعرض لحالة تسمم، حيث قال: (آسف على إيقاعي البطيء في الكلام كنت في حالة إعياء شديدة جدا، جالي حالة تسمم والحمد لله بتعافى وإن شاء الله نرجع نكمل تصوير المسلسل على خير. 10 أيام وتشوفوا الحلقة الأولى، يارب ينال إعجابكم وأرفع راس القنوات اللي بيتعرض عليها مسلسلي زي ما رفعت راس القنوات اللي عرضت (ابن حلال) والقناة اللي عرضت (الأسطورة) وهي اللي يرأسها من ادعى كذبا عليا وهو رجل استفاد مني في يوم من الأيام وربنا عز وجل بيقول (وَلَا تَنسَوُا الْفَضْلَ بَيْنَكُمْ)).

على جانب آخر، يواصل الممثل المصري محمد رمضان تصوير مشاهده من مسلسله التلفزيوني الجديد (نسر الصعيد)، الذي سيعرض في شهر رمضان المبارك.

تدور أحداث المسلسل حول الضابط الصعيدي “زين” الذي يخدم فى القوات المسلحة، يحبه الجميع فى منطقته، ويعتبرونه القدوة في جميع المجالات يتم قرار نقله إلى سيناء لمحاربة الإرهاب، ومن هنا تبدأ أحداث العمل.

(نسر الصعيد) يشارك في بطولته أسماء جلال، محمد معز، أحمد داود، عائشة بن أحمد، سيد رجب، سلوى خطاب، عايدة رياض، دينا، مؤمن نور وغيرهم، ومن تأليف محمد عبدالمعطي وإخراج ياسر سامي.