مالي ارى مرصون شعري مهلهل=والفاظ مركومة بمعنى حثالة
لا تورية فيها ولا سجع مرسل=والحرف ماظهرته بباهي جماله
وانا الذي املك من الحرف معول=وابني شوامخ راقية من خلاله
واخذ بنات الفكر اول باول= بلفظ مسترسل شديد الجزالة
لكن جمالك خلي الفرد مجمل= وتاءك المفتوح زحزح مجاله
خلا المعاني والعبارات تخجل=واتقهقر الهاجس وقال استحالة
خلا اليراع الحر مثل المقفل=كني بديت انثر باول رسالة
والهاجس اتناغم وغير وبدل=وبالنهاية رد ابوها مقالة
حتى جوادي قال عني ترجل=واظهر نفاد الصبر قل احتماله
لسان حاله قال يالعاجز ارحل=عهدك وعهد الزير طوى حباله
زيرك غرق في وحل واد ابن هشبل=والجرو قد مارس عليك العمالة
ذا مانظمته للجميل المكحل=ماقدرت حتى وصف رفة سباله