ذاك الطريق اللي جمعنا من اسنين .. |
. ياما مشينابه وياما تعبنا |
ذيك الليالي ليتها ترجع الحين |
... نعزف وترها غامض ً عن عربنا |
يا ما تغنينا من الشعر بالزين |
... واحيان فيها بالخصومه كتبنا |
كنا سوات الذيب والجن خصمين ... |
كم واحدا ً وده بحيله نكبنا |
ياما رقصنا بين روس الثعابين |
... وياما تسلقنا الجبل ما نشبنا |
وياما تجاوزنا الأدب والقوانين ... |
وتحت الحزام لبعضنا قد ضربنا |
بعض الرسائل تحتوي بس شطرين |
... تعبير زاجر نفخةٍ من غضبنا |
نبعث روايات الجفا بالعناوين ... |
والا الحقيقة فيه شيً جذبنا |
امكابره زايد تغلي محبين |
.. محدً يصرح بالمشاعر كذبنا |
ياما تلاقينا وصرنا قريبين |
.. وياما على روس الاصابع لعبنا |
وياما رسمنا الطير يرقص بتلحين |
.. كنه من الالحان روحه وهبنا |
ايام والايام تركض بنا وين |
.. مرا ً عسل وامرار تقدح لهبنا |
حتى تفرقنا عن يسار ويمين ... |
مراكب الدنيا عليها ركبنا |
ودار الزمن رحله بها البعد والبين ... |
كلا ً سلك درب الحياه وذهبنا |
مشاغل الدنيا بها الزين والشين ... |
جمالها بالكون لحظة طربنا |
حتى تواصلنا بلا نظرة العين |
... نيران تلهب والمشاعر حطبنا |
الشوق جوانا يكفي ملايين |
.. ولا حصل لقاءنا وش سببنا |
قصة عجيبة واسئلة بين قوسين |
... بعد التجافي كيف حنا قربنا |
ياليت به جيم ٍ تجاوب على السين |
.. حتى عن الموضوع يرفع عتبنا |