بعض الأرقام في اللهجة الاردنية لها استخدامات مختلفة جداً.. وهي 60 و 100 و 10 و 1000 و 7 و 2..
على سبيل المثال:
-الرقم (60):
يستخدم فقط وحصرياً في الشتائم والتوبيخ دوناً عن باقي الأرقام
مثلاً: (ابن ال60 صرماية).. (ابن 60 كلب).. ما بيقولوا مثلاً ابن 50 كلب.. ولا ابن 70 كلب..حصراً 60 كلب فقط لا غير.
ويستخدم الرقم (60) أيضا لوصف اسوأ مكان أو وجهة.
مثلاً: (مع 60 قلعه).. أو (تروح في 60 داهية).. 40 أو 70 ما بيمشي الحال.
-أما الرقم (100) فيستخدم للتسليمات.
مثلاً: (يا 100 أهلا وسهلا).. مابنقول يا 50 أهلا وسهلا..
لأ..
(100 السلامة).. (100 وردة بهالطلة)..
وأحياناً يستخدم رقم (100) للمبالغة:
(100 مرة قلنالك لا تعمل هيك).. هو بكون قايلك مرة ونص أو مرتين بالكثير..
(100 مرة ناديتلك).. هي بتكون 3 مرات أيضاً..
-وأما الرقم (10) فيستخدم لوصف جودة الأشياء أو الأفعال.
(الشغل 10 على 10).. تأتي بمعنى toll..
أو (فتح عيونك 10 على 10) يعني انتبه..
-الرقم (1000) يستخدم تحديداً في التهنئة.
(1000 مبروك).او.(1000) الحمدلله عالسلامة..
100 مبروك ما بيمشي الحال.. حصراً 1000..
أما الرقم (7) في الوصف فهو ظاهرة غريبة جداً.. ويفيد الحيرة الشديدة أو البحث المتواصل والمتعب عن شيء أو شخص ما. مثلاً:
(دخت ال7 دوخات لحد ما لقيت فلان أو هالغرض الخ...).
كما يستخدم الرقم (7) للتعبير عن النوم العميق..
(ما رح يرد عليك.. شكله ب "سابع" نومة)..
انتبه.. لو ب "سادس" نومة كان قام عادي ورد..
بس هاي السابع نومة!
أخيراً الرقم (٢):
وهو يعبر عن أطول مدة زمنية في الكون.. وهي (الساعتين).
(صرله ساعتين بنفس القصة) هي بتكون ٥ دقايق.. بس الله بيطرح فيهم البركة..
(صرلي ساعتين بستناك).. (صرلي ساعتين عم فهمك هالشغلة)..(هلكتني صرلي ساعتين واقف ع رجليي)
صح..؟
تابعونا هنا 
زائر 
الثلاثاء 19 نوفمبر - 11:39 من طرف 
عدد المساهمات
تاريخ التسجيل
موضوع: اسرار الارقام عند الاردنيين 
