قصيدة اعجبتني

الوقت قاسي وانت ياعبدالسلام
هندي وعمرك راح وسط المملكة

موظف ومسكين وتحب النظام
وماعندك الا السيكل اللي تملكه

واهم حاجه فيك ماتاكل حرام
اللي تحس ان فيه شبهه ، تتركه

يتيم وتصلي الفجر خلف الامام
وابوك مات بـ بورما في معركه

وان قلت كيف الحال؟ جاوبني : تمام
مرتاح في ذا المسلك اللي يسلكه

اقصى طموحه يوم فالبيت الحرام
يقضي بها فرضه ويقضي منسكه

وحنا نحب النوم ونحب الكلام
النفط خلانا قليلين بْركه

ماعندنا غير السوالف فالدوام
فلان مابه خير ، وفلان تنكه

ماندري ان عيون ربي ما تنام
سبحانه اللي كل شي(ن) يدركه

قلوبنا اكبر منك يا بيض النعام
واخبارنا وافكارنا مستهلكه

نهتم فـالتجّـار كل الاهتمام
اللي تفرنك بالدراهم فرنكه

مانحترم من يستحق الاحترام
كلن يخاف من الفقر لا يفركه

لو الفقر يذبح ذبح عبدالسلام
ماعنده الا السيكل اللي يملكه

تسلم ايدك كيم

يعطيك العافيه على مجهودك

تقبل مروري

هلا بالعراب
اسعدني مرورك الطيب
لك تحياتي

» قصيدة اعجبتني
» قصيدة ترد على قصيدة المتنبي في العيد
» ابيات اعجبتني
» ثمانية اعجبتني
» اعجبتني فنقلتها لكم