. . كما وردتني . . .
إمسك نفسك من الضحك .
منقوله عن الصديق الدكتور ابراهيم الجزازي .
قصة حقيقية حصلت في احد مساجد عمان / الاردن
اسمعوا هالسالفة يا اخوان بس انا بتحداكم من اولها ... الزلمة فيكم اللي قد حاله يصمد... بدون ضحك . .
يقول صاحبنا من العاصمة الحبيبة عمان وهو جديد على صلاة الفجر ....
" مبارح توفي واحد ساكن بالشارع الثاني اللي انا ساكن فيه في نادي السباق الملكي
الجماعة كانوا عاملين عزاء المرحوم أبوالحسن النبالي .
رجل كبير بالعمر .
الله يرحمه ويحسن اليه .
المهم . .
بعد ما صلوا عليه بالمصلى اللي جنبنا ودفنوه ..
اهل الميت رجعوا التابوت عالمصلى الذي هو عبارة عن غرفة فيها فراغ بالقبلة .. يضعون التابوت لاستخدام اهالي الحارة في اي وقت والمسجد مغلق .
وكان الوقت بعد العشاء قام لقوا الجامع مسكر
فحطوه برا وعلى صلاة الفجر بيجي خادم الجامع برجع التابوت لمكانه .
المهم يا محترمين وحبايب قلبي
جاي واحد عالجامع تقريبا الساعة 3 ونص
قام لقاه مسكر
استنى شوي حتى زهق ..وما كانوا يفتحوا هالجامع
الزلمة مات من البرد
قام هيك وفتح التابوت وسلخها نومة داخل التابوت
تقريبا نصف ساعة اجى أخينا الخادم
فتح باب الجامع وجر التابوت لمكانه عند المحراب
واذن الصبح وحضر هالمصليين تقريبا خمسين شخص
اقامو الصلاة
بتعرفوا من حرارة الايمان
انا من بيناتهم وقفت بالصف الاول .
وبلشنا صلاة
بالركعة التانية يا جماعة الخير شفت التابوت عم يتحرك !!!!
ايه شو هالحكي معقول .!!!!!!!
فركت عيوني سكرتهم وغمضتهم يا عمي صلاة الفجر جديدة عندي
المهم قاعد يتحررك التابوت !!!!
هون بلشت العفاريت تجري قدامي
قام الاخ اللي جوا التابوت صحي
فتح غطاء التابوت ومد راسه منه
قال : بلشتو صلاة ؟؟؟؟؟؟
وياحبيبي لو تشوفوا شو صار فينا بالمسجد
انا من ناحيتي طلعت من الجامع حافي وبسرعة الف عالبيت ووصلت البيت مابعرف اني حافي ..
شفت الامام اغمى عليه وطاح بأرضه
وباقي الناس اشي فات بالحيط واشي طلع حافي متلي
واشي اتزحلق عند مكان الوضوء "
هنا سؤال مهم هل يعيدون صلاة الفجر ام انهاسقطت بسبب الرعبة..؟!