مشاط عجة بالزهرة

المشاط من الاكلات الفلسطينية التي نشتهر بتحضيرها في فصل الشتاء وذلك لتوافر الزهرة البلدية ( البعل ) حيث تتميز بنكنها وطراوتها
ولكن البعض لا يفضل هذه الاكلة بسبب دسامتها حيث تُقلى بالزيت الغزير

المقادير
ـراس زهرة متوسط
ـ 4 بيضات
ـ كوب ونص دقيق
ـ بصلة كبيرة مفرومة ناعم
ـ سنين ثوم مهروسين
ـ بقدونس مفروم
ـ ملعقة صغيرة كمون
ـ ملعقة ونصف كبيرة بكنغ باودر او نص ملعقة صغيرة كربونات
ـ ملعقة صغيرة ملح
ـ ملعقة كبيرة سكر
ـ ربع كوب زيت زيتون

ــــ نقسم الزهرة بشكل زهرات صغيرة نضعها في طنجرة على النار لتنسلق مع الانتباه انه ما تستوي كتير .

ــــ في جاط نضع البصل والثوم والبقدونس والبيض والملح والكمون والبكنغ باودر والسكر والزيت ..ونخلطهم جيداً ثم نضيف كوب ونص طحين وونصف كوب ماء و نحرك جيداً حتى يمتزجوا جيداً
ننشل الزهرة من الماء ونضيفها للخليط ونحرك بخفة .

ــ طريقة الطهي عادة بكون بقليهم في زيت غزير ولكن رح نحضرهم اليوم بطريقتين
ــ الطريقة الاولى بالخبز
بنحضر صينية الكب كيك بندهنها زيت زيتون وبنحط لحد النص من الخليط وبنحطها في فرن حامي 220 مئوي .
حتى ينضج بده حوالي ربع ساعة او حتى يتحمر

ــ الطريقة الثانية
نقليهم بقلاية غير لاصقة مثل ما ينقلي البان كيك ..بندهن القلاية بالقليل من الزيت ونسكب قدر مغرفة صغيرة نفرد ما سكبنا نتركه لدقيقتين ثم نقلبه ..وهكذا حتى تنتهي الكمية ..
الطريقتين طعمهم خفيف جداً لكن لقيت الي مخبوز ازكى

شكرا اخي كيم

مع الود

الف صحة ابو نصار
 كتير طيبة بالبرد مع لبن

 تقبل تحياتي