اعتذار

آسف على اللي راح واسف على الجاي

وآسف على ما صار مني وسويت

أرجوك سامحني على كثرة اخطاي

وأرجوك تغفر زلتي يوم زليت

وارجع تراني راجع لك من اقصاي

وإن ما قبلت برجعتي لك توفيت

أثرك معك صبر وعزيمه لفرقاي

وأنا أحسب ان مالك امل لوتحديت

خابرك لذنوبي ولحظاي نساي

معقول لك عدة ليالي ماسجيت!

جلست افكر في غيابك وش الراي

وحسيت مدري ويش انافيه حسيت

حسيت في ذنبي وفي عظم بلواي

وان الفراق يقول لي وينك امسيت

اخطيت في نفسي وفي وصفة دواي

وانا من جروح الزمن ماتشافيت

حاولت اصلح غلطتي بس ما امداي

حتى اعترفت اني تجاهلت واخطيت

والحين جيتك مندفع لك من اقصاي

وان ما قبلت برجعتي لك توفيت

كل التقدير لك العراب على متابعتك وحضورك الدائم

دمت بكل الود