العيون الناعسة

العيون الناعسة

فديت العيون الناعسة و الجفون *** اللي تحمي العيون بظلالها

لا شفتها مدري أنا وين أكون *** كني لوحدي وسط بحورها

و الخدود الله أكبر لو تشوفون *** كن السما صافية و قمره تحليها

بنتن فاقت بالحلا كل مزيون *** مزيونتن لا و الله الا الزين يسكنها

ولو وصفت أنا الحاجب المقرون *** كن فالفلا طيرن فسماها

و الشعر جادلن يظفي عالمتون *** سبحان ربي اللي خلقها

بياضن من الثلج هذا هو اللون *** بنتن صغيرة في عمرها

أشهد أن الحلا فحشاها مسجون *** و الورد كلهن في أسرها

لا ضحكت يضحك معاها الكون *** ولا بكت يبكي الكون من بكاها

تكفون يا هلي و الله تكفون *** مطلوبي دخيلكم تسمعونها

عجلو لا بغيتو لي تخطبون *** بنسير بيت العرب عند أبوها

و مهرها لو تطلب بالمهر مليون *** لجلها أقبض المليون وأنثرها

و اذا بالخطوبة عليه يرفضون *** و الجواب مخطوبة لبن عمها

بعيش حياتي بطيفها مسجون *** بصفي النية حتى مع طيفها

و بخفيها تحت رمش العيون *** حتى العواذل ما يشوفونها

و ألمحها بالسما و أتخيلها بالظنون *** و أسكن فدنيتي و سماية صورها

بعيش و بخفي عن الناس سري المكنون *** أخاف بالنظر ألها يعشقوها

و أخاف أهل الشعر فيها يكتبون *** وأكتب معاهم قصة هواها

و أني لحبها صرت مجنون *** و أني أنا الفارس اللي غواها

والله يوم تشوفني بالعيون *** حتى رشاشي طاح من نظرها

يعطيك العافيه ابو احمد على مجهودك الرائع
شكرا عالموضوع والطرح المميز
تقبل مروري وتحياتي

شكرا لمرورك ومشاركتك العراب
اسعدني تواجدك ومتابعتك
دمت بكل الود