دروب المدنيـه

جاء يشوف الحال كيف بعد ما هزه حنينه
قبل يسألني سألته كيـف حالـك يالحبيـب
قال انا كني غريب ضيـع دروب المدنيـه
قلت انا كني مدنيه تنتظـر رجعـة غريـب
قال أجل وش فيك تلعن سيرة الحب وسنينه
قلت أجل وشلون ما العن سيرته دامك تغيب
إنت لامن غبت حتى مرايتك صارت حزينه
كيف ما تبغاني أحزن وإنت لي مثل النصيب
الهدايـا والرسايـل والمكاتيـب الثميـنـه
والليالي والقمر والريـح والكـون الرحيـب
كل ماتبعد تجيب الشعـر ليـه مـن يدينـه
وتقعد جروحي تودي في المتاهـات وتجيـب
يابعـد كـل القصيد ونـزوة حـداه وأنينـه
لاذكرتك لاح بيت وطاح ورد وفاح طيـب
وان نسيتك مانساني صوتك المبحوح لينـه
ياخذ لجرحي بثاره من خطايـاك ويطيـب
وبعد هذا جاي ترمي ذنبك بوجـه المدينـه
مادريت ان المدنية كلهـا شمعـة غريـب