أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
-----سهرت ليالـــي و يامــــا لفيـت و طوفـت
و في ليله راجع في الضلام قومت شوفت
الخـــوف كأنه كلـب سد الطريــــق
و كنت عايــز أقتله بـــس خــوفــــــــت
عجبــــي !!!
---ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
==
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!